İtaliya A Seriyasının 21-ci turunda “Yuventus” Salerno səfərinə yollanıb.
Burada yerli “Salernitana” komandası ilə qarşılaşan Turin futbolçuları ilk hissədə rəqibi məyus edib. Hesab 26-cı dəqiqədə açılıb. Duşan Vlahoviç penaltidən yararlanaraq komandasını irəli çıxarıb. Hücumlarına ara verməyən “qoca sinyora” ilk hissənin sonunda yerli komandanı ikinci dəfə mərkəzə dəvət edib. Fasilədən sonra toparlanmağa çalışan “Salernitana” gözlənilmədən qapısında 3-cü qolu görüb. Vlahoviç dublunu rəsmiləşdirib. “Salernitana” – “Yuventus” 0:3. Bu nəticə ilə xallarını 26-ya çatdıran “Yuventus” 10-cu pilləyə yüksəlib. 21 xalı olan “Salernitana” isə 16-cıdır.